دافع مؤدي المهرجانات حمو بيكا عن صديقه مؤدي المهرجانات حسن شاكوش، بعد أن تعرض الأخير لانتقادات قاسية من قبل رواد مواقع التواصل الاجتماعي بسبب صوته، وذلك بعد انتشار فيديو له وهو يغني “أنا غلطان” للمطرب بهاء سلطان.
اقرأ كمان: سيرين عبدالنور تتألق في جلسة تصوير جديدة بفستان رائع بدون بطانة
ونشر بيكا عبر صفحته الرسمية على موقع فيسبوك، فيديو لشاكوش وهو يغني أغنية “غريبة الناس” للمطرب وائل جسار، وعلق قائلاً “من فضلكم، لازم تسمعوا ولا للتنمر، اللي بيهزر وبيتريق على حسن شاكوش عشان صوته تعبان، أحب أقولكم حاجة: الرجولة مش بس صوت، الرجولة مواقف وصمود وشغل وتعب وشقى عشان يوصل”
وتابع قائلاً “شاكوش أخويا، صاحبي، عشرة سنين، راجل شاف كتير ولسه واقف على رجليه، بيغني وهو تعبان، وبيعافر وهو مجهد، وده مش ضعف، ده قوة قلب ومعدن أصيل! المطرب الحقيقي مش اللي صوته حلو وهو مرتاح، المطرب الحقيقي هو اللي بيغني من قلبه حتى لو صوته مجهد، وبيفرّح الناس حتى لو هو موجوع”.
ووجه رسالة لكل من انتقد صوت شاكوش، قائلاً “الناس اللي قاعدة ورا الكيبورد تتريق؟ ولا واحد فيهم يقدر يوقف دقيقة مكان الراجل ده في حياته، أنا واقف معاك يا شاكوش لآخر نفس، وكلنا عارفين إنك راجع أقوى، وده وعد من حمو بيكا قدام الدنيا كلها”.
كان شاكوش قد نشر أمس الجمعة 23 مايو فيديو من أحد الأفراح، وعلق “حبيت أوضح حاجة بس، أنا مبحبش أطلع وأبين إني تعبان وأقول على التعب اللي في صوتي والأحبال الصوتية عندي عاملة كده في صوتي ومخلياني مش قادر أتكلم”.
وتابع “بس ده كان فرح أخويا الصغير نور التوت، وكان لازم أجي على نفسي وأغني لكن مقدرتش زي ما أنتوا شايفين، عشان بس الفديوهات منتشره والناس بتتريق وده من حقكم طبعاً، بس الواحد لما بيجيله دور برد عادي مبيقدرش يتكلم أصلاً، وده الفيديو كمان عندي أهو”.
مقال مقترح: مسلم يطلق أغنيته الجديدة “سوء اختيار” من ألبومه المنتظر