حرصت الفنانة دنيا سامي على الدفاع عن الفنان مصطفى غريب، بعد الهجوم الذي تعرض له بسببها.
ممكن يعجبك: مروة ناجي تتألق بأجمل أغاني أم كلثوم في عرض غنائي استعراضي مميز
وعلقت الفنانة دنيا سامي عبر صفحتها في موقع فيسبوك، على ما يتعرض له الفنان مصطفى غريب، حيث كتبت: “بالنسبة للبوستات المنتشرة التي تشير إلى حلقتي مع أستاذة إسعاد يونس، التي أقول فيها إن مصطفى غريب بيتريق عليا وبيقول عليا وحشة، وده طبعاً جاب لمصطفى الكلام والشتيمة”
وتابعت: “أولاً شكراً على دفاعكم عني، لكنني أصلاً مش زعلانة من حاجة، وأنا ومصطفى صحاب ودفعة واحدة، وإحنا الاتنين اتمرمطنا زي بعض، وأنا كنت بحكي ده بهزار لأني عارفة إني قمر، مصطفى غريب ده أقرب وأجدع وأطيب بني آدم في حياتي وحياة كل صحابه، ولو قعدت أتكلم عليه من هنا لـ ١٠٠ سنة مش هيكفي والله قد إيه هو ضهري في الحياة”
وأضافت: “واللي أنا قولته في البرنامج عن اللي مصطفى بيقوله عليا ده هزار بين أي صحاب في أي شلة، وأنا الحمدلله معنديش عقد ومش حتى عندي عقد هتظهر بعد كده، هو بجد مفيش حاجة، لو كملتوا باقي الحلقة مع أستاذة إسعاد هتعرفوا إننا مسكناه تريقه وتقطيع أكتر من اللي هو بيهزر فيه معايا بكتير”
واختتمت حديثها قائلة: “ولو سمحتوا محدش في الدنيا يشتم مصطفى غريب غيري”
تحدثت الفنانة دنيا سامي خلال ظهورها في برنامج “صاحبة السعادة” عن الصداقة التي تجمع بينها وبين الفنان مصطفى غريب، وقالت: “الوحيد اللي شايفني وحشة لحد النهاردة هو مصطفى غريب، وأصلاً بيشوفني ولد”
مقال له علاقة: حسين الجسمي يبارك لهشام جمال بعيد ميلاده وليلى زاهر تشارك بتعليق مميز
وتابعت: “هو متنمر طبعاً نمرة واحد، يعني لو واحدة صاحبتنا مامتها مثلاً توفت من أسبوع ورايح لها، وتخرج له يروح مشغل لها أغنية عن الأم بصوت عالي”
دنيا سامي في صاحبة السعادة.