أوضح أحمد سيد زيزو، اللاعب السابق لنادي الزمالك، سبب انضمامه للأهلي، ورفضه لمفاوضات التجديد مع الزمالك، حيث قال زيزو عبر قناة “إم بي سي مصر”: “قرينا الفاتحة في جلسة التجديد، واتفقنا على كل حاجة، وكان الاتفاق في حدود 40 أو 50 مليون”.
مقال له علاقة: الأهلي يعلن بشكل رسمي قائمة فريقه المشاركة في كأس العالم للأندية 2025
وأضاف: “والدي كان واخد باله من المشهد، لأن الجلسة كانت سهلة، قالهم حاجة بوظت الجلسة وهي، انتوا عايزين زيزو وهو موافق، بس عندي شرط هحطه في العقد وهو إن زيزو ما يتبعش السنة دي”.
مواضيع مشابهة: رحيل مسؤول بارز في الأهلي عن قطاع كرة القدم بعد قرار عدم الإعلان
وواصل: “ده كان بسبب تربيط إنهم مش هيدفعوا حاجة كان أول قسط بس، ويقرروا يبيعوني، وده مكنش هيزعّلني، لكن اللي مزعلني إنهم موافقوش على طلب والدي بخصوص البند ده في العقد”.
وأردف: “أنت بتقولي ده أبوه طالب فلوس ومش من حقه؟ خلاص يا عم، هجيبلك وكيل من بره وأقعد أبويا في البيت”.
وزاد: “أنا كنت شايف إن ده حقه يطلب في المراحل الأخيرة من المفاوضات، وده شيء كل الناس بتعمله، وحصل في الزمالك عشرين ألف مرة، وما طلبش حاجة غريبة”.
وأشار: “الانضمام للأهلي مكنش قرار سهل، بس في الآخر اكتشفت إن مفيش حاجة باقية”.
واختتم لاعب الأهلي: “أنا اتهنت لمدة سنة كاملة من نادي الزمالك، والـ 5 سنين اللي قضيتهم في النادي وكأني ما عملتش فيهم أي حاجة”.