كتب – معتز عباس:
مقال مقترح: محمد محمود يشارك في مهرجان مدريد للأفلام 2025 بتمثيل “الإسكندرية للفيلم القصير”
كشفت الفنانة الشابة ملك زاهر لمتابعيها عبر وسائل التواصل الاجتماعي عن تفاصيل تعرضها لأزمة صحية مفاجئة، كما شاركت بعض الجوانب من حياتها الشخصية مع جمهورها.
وكتبت ملك زاهر في ستوري عبر حسابها الرسمي بموقع “إنستجرام”: “أنا عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبا كنت باخدها بهزار بيني وبين صحابي”
وأضافت: “بس بجد حاسة أن الفترة الأخيرة بيجيلي كومنتس كلها ما انتي عايشة ومبسوطة واحنا مش عايشين، وإيه كل اللي انتو فيه وحاسة إن في الناس بصة على أتفه الحاجات اللي ممكن تكون عندي بتبسطني، زي مثلا أني أنزل أروح الجيم أو أخرج مع صحابي أو يكون شكلي حلو وأنا رايحة إيفينت معين”
وتابعت: “حبيت بس أقولكم إن الحياة مش وردي، أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة، وفي حوالي نص ساعة قبلها كنت زي الفل ومن ساعتها مش عارفة أنزل أو حد يشوفني بالي أنا فيه ده ونفسيتي وحشة أوي”
وأكملت: “أنا بحكي الكلام ده عشان تعرفوا بس إن حياتي فيها الحلو والوحش، والله زي أي حد بس أنا بحب دايما أشير الحلو بس وغالبا ده غلط فقررت أشارككم”
واختتمت: “كمان الوحش، ومع إن اللي بيحصلي دلوقتي أنا بحمد ربنا عليه وعارفة إنه بإذن الله هيكون حاجة بسيطة وإن شاء الله هخف وكله هيكون تمام، بس الهدف من الستوري دي مش إن أي حد يقلق لأن الحمد لله نفسيتي وحشة أوي كويسة وإن شاء الله اللي عندي ده حقيقي كل اللي طالبه أنكم،
ماتحكموش على حد من السوشيال ميديا أو من ظهوره في أي حاجة لأنها بتوري بس يمكن ٢٠٪ من حياته”.
ووجهت ملك رسالة لمتابعيها: “أدعولي أخف بسرعة وشكرا، وأنا تمام مافيش حاجة مقلقة، أنا بس حسيت أني محتاجة أشارك الوحش زي ما أنا بشارك الحلو مش أكتر”
يذكر أن ملك أحمد زاهر شاركت خلال الموسم الرمضاني الماضي في مسلسل “سيد الناس” بطولة عمرو سعد، إلهام شاهين، أحمد زاهر، إنجي المقدم، أحمد رزق، ريم مصطفى، رنا رئيس، خالد الصاوي، ومن إخراج محمد سامي.
شوف كمان: قلوب تكره الحرية لا تعرف السلام.. محمد رمضان يشارك صورة مثيرة من كواليس “أسد”
اقرأ أيضا..