علق النجم تامر حسني على الأزمة الصحية التي مر بها نجله “آدم” بعد تعرضه لظروف صحية صعبة مؤخرا، حيث كتب تامر عبر حسابه على فيسبوك: “أنا مش عارف أشكركم إزاي على كم الدعوات اللي دعيتوها لربنا لشفاء آدم ابني، اللي جاتلي منكم هنا وعلى تليفوني وتليفونات كل المحيطين بيا، هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس”
من نفس التصنيف: درة تتألق بإطلالة كاجوال مميزة في العيد والجمهور يتفاعل مع الصور
وتابع تامر قائلاً: “وبقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص، لا روحوا اكشفوا كويس واعملوا سونار على البطن والزايدة مرة ومرتين، لأن ساعات مش بيبان، ولازم الدكتور يضغط بطريقة معينة، تقريباً أقوى شوية عشان يعرف، لأني سمعت كتير اليومين دول إن الزايدة خادعة”
واستكمل: “اطمنوا كذا مرة قبل لحظة انفجارها، عشان بجد مشاكل بتحصل بعدها كبيرة ومحزنة أوي، وحبيبي آدم عمل عمليتين صعبتين أوي عليه، وبدعواتكم مستنيين النتائج تكون خير يارب ويعدي مرحلة الخطر، يارب، بحق “كن فيكون”
وأوضح: “اشفيه وعافيه، هو وكل ولادنا، بس هو راجل وهيتحمل، وإن شاء الله ربنا يكرمه ويعافيه ويحفظه هو وإخوته، ويحفظ كل ولادكم يارب، وأحب أقول تاني شكراً من كل قلبي على دعواتكم، أنا شايف قلب كل حد فيكم وهو بيدعي بصدق”
اقرأ كمان: هالة الزيات تروي لنبأ العرب كواليس تقديم محمد منير لبرنامج ملامحنا
وأضاف: “متشكر أوي يا جماعة، شكراً لكل اللي اهتم وسأل عن ابني ودعاله هنا أو على التليفون، واللي طلعوله صدقات لشفائه من غير ما يعرفونا شخصياً، أنا مش لاقي كلام أشكركم بيه، وأنا برضو بدعيلكم، وبقول لكم مثلها وأضعاف أضعافها، وربنا يحفظكم ويحفظ أولادكم، قادر يا كريم”