علق النجم تامر حسني على الحالة الصحية لنجله “آدم” بعد الأزمة التي مر بها مؤخرا، حيث عبر عن شكره الكبير لكل من دعا له بالشفاء عبر حسابه على فيسبوك، وكتب: “أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني، اللي جاتلي منكم هنا وعلى تليفوني وتليفونات كل المحيطين بيا، هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس”.
اقرأ كمان: أسماء جلال بفستان جريء ومي عمر بإطلالة أنيقة.. أبرز لقطات نجوم الفن في آخر 24 ساعة
تابع تامر حديثه قائلاً: “بقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص، لا روحوا اكشفوا كويس واعملوا سونار على البطن والزايدة مرة و٢، عشان ساعات مش بيبان ولازم الدكتور يضغط بطريقة معينة، تقريبا أقوى شوية عشان يعرف، لأني سمعت كتير اليومين دول إن الزايدة خادعة”.
استكمل تامر: “اطمنوا كذا مرة قبل لحظة انفجارها، عشان بجد مشاكل بتحصل بعدها كبيرة ومحزنة أوي، وحبيبي آدم عمل عمليتين صعبين أوي عليه، وبدعواتكم مستنيين النتايج تكون خير يا رب ويعدي مرحلة الخطر، يا رب، بحق (كن فيكون)”.
واصل قائلاً: “اشفيه وعافيه، هو وكل ولادنا، بس هو راجل وهيتحمل، وإن شاء الله ربنا يكرمه ويعافيه ويحفظه هو وإخواته، ويحفظ كل ولادكم يا رب، وأحب أقول تاني شكرا من كل قلبي على دعواتكم، أنا شايف قلب كل حد فيكم وهو بيدعي بصدق”.
مقال له علاقة: شاهد فيديو أغنية “ملامحنا” للكينج محمد منير الآن على يوتيوب من روتانا
وأضاف: “متشكر أوي يا جماعة، شكرا لكل اللي اهتم وسأل عن ابني ودعاله هنا أو على التليفون، واللي طلعوله صدقات لشفائه من غير ما يعرفونا شخصياً، أنا مش لاقي كلام أشكركم بيه، وأنا برضو بدعيلكم وبقول لكم مثلها وأضعاف أضعافها، وربنا يحفظكم ويحفظ أولادكم، قادر يا كريم”.