ملك زاهر تكشف عن سبب أزمتها الصحية المرتبطة بحساسية شديدة في الدم

شاركت الفنانة ملك أحمد زاهر جمهورها تفاصيل جديدة حول حالتها الصحية، بعد الوعكة الصحية التي مرت بها مؤخرًا.

مواضيع مشابهة: يانغو بلاي تطرح الإعلان التشويقي المرتقب لمملكة الحرير

كتبت ملك عبر ستوري انستجرام: “أنا والله ما كنت متوقعة كل اللي حاصل ده، لما حبيت أشارك حالتي الصحية، كنت مخضوضة جدًا على نفسي، وفكرة إن لا أنا ولا الدكاترة حتى عارفين عندي إيه كانت رعباني، وكنت محتاجة بس أوصلكم إن حياتي فيها الحلو وفيها الوحش، وقلت في الستوري إن الموضوع مش الغرض منه القلق، وإني مش عايزة حد يقلق عليا، أنا كويسة وكده كده أحسن من غيري”

واستكملت: عندي يقين في ربنا إنه هايقومني بالسلامة، وإن شاء الله تبقى حاجة بسيطة بس من خضتي كتبت، مع إن دي مش طبيعتي إني أشارك الحاجات السلبية عمومًا، أنا بس مش عارفة أقول إيه، ولا إيه، من قلبي بشكر كل حد سأل عليا ودعالي، واللهِ كله كان بيوصلني، وأنا أسفة لو مردتش على حد، وبشكر كل زمايلي وأساتذتي اللي كانوا بيسألوا عليا كل يوم ومسابونيش لحظة، وكل صحابي وعيلتي اللي كانوا جمبي

من نفس التصنيف: فيديو جديد يبرز تركي آل الشيخ في حملة ترويجية لفيلم 7Dogs مع نجوم الأهلي

وكشفت ملك أحمد زاهر: أنا الحمد لله بقيت أحسن من الأول وبطلت أروح المستشفى، الحمد لله بحمد ربنا إنها جت على قد كده، حتى لو الأيام اللي فاتت كانت صعبة، واللي عندي ده حاجة مخيفة شوية، وخضتنا بس برضو أنا كويسة، والحمد لله إنها جت على قد كده، أكيد ربنا حماني من حاجة أكبر، وأهم حاجة إن عرف السبب بَطل العجب، والحمد لله إننا عرفنا، هي حساسية شديدة فالدم، الموضوع critical

واختتمت: “بس أنا مطمنة، أنا بخف وبتحسن كل يوم، الحمد لله والشكر لله، ومافيش حاجة خطيرة بإذن الله، وأنا أسفة لو كنت قلقتكم، بس ده مكانش الغرض أبدا والله، شكرا من كل قلبي على الحب ده، أنا عرفت غلاوتي عندكم وعند كل اللي حواليا، بشكركم من قلبي