دافع السيناريست أيمن سليم عن الفنانة شيرين عبد الوهاب، بعد الانتقادات التي واجهتها عقب حفلها الأخير في مهرجان “موازين”، بسبب إطلالتها واستخدامها تقنية “البلاي باك” في الغناء، حيث كتب سليم عبر حسابه الشخصي على موقع “فيسبوك”: “لو بصينا لنص الكوباية الفاضي وقلنا هي شيرين لابسة كده ليه في حفلتها الأخيرة مش لاقية ستايلست يلبسها حاجة عدلة، وإزاي بتغني بلاي باك مش لايف، أومال عاملة حفلة ليه؟ لازم نبص كمان لنص الكوباية المليان، وهو إنها رفضت الأحاديث الإعلامية، وما غلطتش بكلام غير مسؤول كالعادة أثناء الحفل”
مواضيع مشابهة: محمد أنور وكريم عفيفي ينضمان لفيلم “الست لما” مع يسرا في تجربة فنية جديدة
وتابع سليم: “رغم إنها مش في كامل لياقتها، قررت تطلع وتشتغل، واختارت لبس يبدو مش مناسب، لكنه أفضل من إنها تلبس حاجة ضيقة تبيّن إنها مش عارفة تخس، أو تتكلم بطريقة غوغائية تخلي الناس تهاجمها”
وأضاف: “البلاي باك كان أول فقرة من الحفل، والباقي كان لايف، واضح إنها ما زالت تعبانة، وبتحاول تتعافى حتى لو ببطء، رصيدها كبير وغني، ويستحق إن الجمهور يدعيلها ترجع زي الأول وأحسن”
وقدمت شيرين عبد الوهاب خلال الحفل مجموعة من أشهر أغانيها، حيث بدأت الحفل بأغنية “حبيبي نساي”، ثم قدمت “أنا مش بتاعة الكلام ده”، و”على بالي”، و”صبري قليل”، و”مين اختار”، و”حبيب سنيني”، و”أنا في الغرام”، و”الوتر الحساس”، وسط تفاعل كبير من الجمهور.
اقرأ كمان: تامر حسني يكشف عن مشاعره تجاه بسمة بوسيل في تصريح مؤثر: “أموت نفسي ولا أزعلها”
ويُعتبر هذا الحفل الأول لشيرين عبد الوهاب بعد انتهاء أزمتها الأخيرة مع شركة “روتانا” في أبريل الماضي.