كشفت الفنانة المعتزلة حلا شيحة، عن تفاصيل جديدة تتعلق بمعاناتها النفسية بعد تجاربها مع الطلاق، حيث تزوجت في البداية من الكندي يوسف هاريسون، ثم من الداعية معز مسعود.
من نفس التصنيف: شيرين عبدالوهاب تواجه انتقادات بعد أدائها في موازين.. الجمهور يفضل اعتذارها عن الحضور
تحدثت حلا عبر قناتها في موقع يوتيوب، من خلال ثلاث حلقات بعنوان “أسباب الانتكاس”.
وقالت: “لما لبست الحجاب، ماكنتش عارفة أكمل، لأن حصلت لخبطة في الجواز والطلاق، اللي كنت فاكرة إنه هيكون عون لي على حياة أفضل، وده شيء طبيعي”
وتابعت: “أي ست من حقها تتجوز، وتطلب تشوف المناسب لها ولحياتها لو ده هيساعدها تقرب من ربنا سبحانه وتعالى، وده أجمل حاجة أصلاً، واللي ربنا أمرنا به”
وأضافت: “لما لقيت الموضوع مش صح ومش متظبط، وفي حاجة غلط، كانت بالنسبة لي الصدمة صدمتين، لأني شخص حساس، وكانت صدمة الطلاق الأولاني صعبة جداً”
وأوضحت: “كنت أسمع كلام كتير، إن الواحد لما بيطلق، وعنده ولاد، ما بيبقاش عايز الطلاق، ويسيب الحياة دي، ويبقى ماشي مضطر، ويكون عنده رد فعل، وتركيبة دماغه تتغير، وأنا حاسة إن ده اللي حصل لي، في حاجة اتغيرت جوايا من كتر الألم النفسي، اللي كنت فيه”
وأكملت حلا: “حصل لي حالة غضب، حتى إني كنت أقول يارب أنا زعلانة منك، أنا سيبت كل حاجة، وجيت لك يارب، ليه مش واقف جنبي، وده كان شعوري، لما وقعت، وده كان غلط مني، وكنت حاسة بالغضب، وزي ما أكون من جوايا بنتقم من حلا”
وأعلنت الفنانة حلا شيحة عن عودتها إلى ارتداء الحجاب، عقب مشاركتها في بطولة مسلسل “إمبراطورية ميم”، الذي عرض في موسم رمضان 2024، وشاركها في البطولة خالد النبوي، نشوى مصطفى، نور النبوي، مايان السيد، محمد محمود عبد العزيز.
حلا شيحة.