نفت الفنانة المعتزلة حلا شيحة ما تم تداوله من تصريحات منسوبة إليها حول فترة زواجها من الداعية معز مسعود، مشيرة إلى أن تلك الفترة لم تكن كما وصفتها بأنها من أصعب فترات حياتها، حيث استخدمت خاصية القصص على صفحتها الرسمية في “إنستجرام” لتوضح: “حلا شيحة: فترة زواجي من معز مسعود، كانت أصعب فترات حياتي وعملت لي زلزال نفسي، وسابت جوايا جروح ما تتعالجش أبدا”.
مقال له علاقة: شاهدوا أحدث إطلالة لملك زاهر التي خطفت الأنظار.. تعليق مميز من شقيقتها ليلى!
وعلقت حلا قائلة: “أنا الحقيقة مش عارفة إيه الكلام ده، ومين اللي نشره عن لساني، ياريت اللي بيكتب خبر يتحرى كويس، قبل ما يكتب أي أخبار عن لساني لم أقولها وشكرا”.
كما تحدثت حلا في فيديو جديد نشرته عبر موقع يوتيوب، حيث قالت: “لما لبست الحجاب، ماكنتش عارفة أكمل، لأن برضه حصلت لخبطة الجواز والطلاق، اللي كنت فاكرة هتكون عون لي على حياة أفضل، وده طبيعي”.
وتابعت: “أي ست من حقها تتجوز، وتطلب تشوف المناسب لها ولحياتها لو ده هيساعدها تقرب من ربنا سبحانه وتعالى، وده أجمل حاجة أصلا، واللي ربنا أمرنا به”.
مقال له علاقة: إلهام شاهين تشارك لحظات مميزة من عيد ميلاد هالة صدقي وتكشف عن كلماتها المؤثرة
وأضافت: “إنما لما لقيت الموضوع مش صح ومش متظبط، وفي حاجة غلط، كانت بالنسبة لي الصدمة صدمتين، علشان أنا شخص حساس، وكانت صدمة الطلاق الأولاني، صعبة جدا”.
وأوضحت: “كنت أسمع كلام كتير، أن الواحد لما بيطلق، وعنده ولاد ما بيبقاش عايز الطلاق، ويسيب الحياة دي، ويبقى ماشي مضطر، ويكون عنده رد فعل، وتركيبة دماغه تتغير، وأنا حاسة إن ده اللي حصل لي، فيه حاجة اتغيرت جوايا من كتر الألم النفسي، اللي كنت فيه”.
وأكملت حلا: “حصل لي حالة غضب، حتى إني كنت أقول يا رب أنا زعلانة منك، أنا سيبت كل حاجة، وجيت لك يا رب، ليه مش واقف جنبي، وده كان شعوري، وده كان غلط مني، وكنت حاسة بالغضب، وزي ما أكون من جوايا أنتقم من حلا”.
وأعلنت الفنانة حلا شيحة عودتها إلى ارتداء الحجاب، عقب مشاركتها في بطولة مسلسل “إمبراطورية ميم”، الذي عرض في موسم رمضان 2024، حيث شاركت فيه مع نخبة من النجوم مثل خالد النبوي، ونشوى مصطفى، ونور النبوي، ومايان السيد، ومحمد محمود عبدالعزيز.