تحدث الراحل مدحت فقوسة، نجم المصري الأسبق، والدكتور ميمي عبدالرازق، المدير الفني السابق للفريق البورسعيدي، عن مواقف كوميدية جمعتهما خلال فترة عملهما معًا في مجال التدريب.
ممكن يعجبك: ستة لاعبين مصريين دخلوا السجن قبل إبراهيم سعيد
وفي تصريحات تلفزيونية، قال مدحت: “ده ابني، أنا اللي مربيه من صغره”، ليرد ميمي عبدالرازق: “أنا مش عايز أقطع كلامه بس هو ليه فضل عليا بعد ربنا في كل حاجة، دربني واشتغلت معه، ووقفني”
وأضاف: “موقفتوش كتير، ميمي من الناس اللي بحبهم أوي، وهو ابن من ولادي فعلاً، واتعلم الكرة صح، لأنه كان لاعب عندي الأول، وبعدين بقى مدرب معايا، وكان معانا مسعد نور مدرب، وميمي كان لسه طالع ومعروف إنه بيحب يزعق كتير في الملعب، مش بيسكت، ميكروفون شغال جنبك”
وتابع: “فالمهم الحكم مبهدلنا، وميمي سخن قالي ينفع يا كابتن كده، الراجل ده مش هنعدي ولا إيه، سخني عليه، الجمهور بيهيص، قومت شاتم الحكم، وقتها الجمهور سكت وأنا بشتم، راح الحكم أخذ الشتيمة وطلع كارت أحمر، فببص جنبي لقيت مسعد نور كان زكي وموضع تاني، ولقيته بيقولي بلاش أنا يا فقس، ماتعلمش فيا حاجة”
ممكن يعجبك: اكتشف الفرق المتأهلة والمجموعات المثيرة في كأس العالم للأندية وكل ما تحتاج معرفته!
واصل حديثه: “رحت قايم لميمي مافيش غيره جنبنا، والحكم وصل، قولتله يا ميمي مش عيب عليك تشتم راجل عظيم زي ده، راح طرد ميمي مكاني، بيبصلي ويقولي أنا قولته أومال أنا وموتنا ضحك”
ليرد ميمي: “قولتلك يا كابتن سبني أعيش، بس أنت خلصت عليا وقتها”
وأكمل مدحت: “ميمي اتوقف ساعتها 6 شهور، ويوم ما رجع كان نازل نافش نفسه أوي، وكان قاعد على الدكة ولا الملك فاروق في عز مجده، فكنا في ماتش تاني ونفس الحكم، وقلت قدامه تاني يا ميمي تشتم الحكم تاني، قام رد عليا: معدتش هشتغل معاك تاني”
وأتم حديثه: “في موقف تاني بينا، كنا في ماتش في إسكندرية، وكان قدامي كلاب وميمي المساعد بتاعي، ولما ميمي بيدرب بيفضل يزعق زي الكلاب، وأنا هو يزعق والكلب يبصلي وأنا خايف، فضل ساعة ونص ميمي يزعق والكلب يزعقلي، الماتش خلص، بقوله النتيجة كام، لأني من كتر الخوف ولا بصيت على الملعب، قالي اتعدلنا، قولتله بعد كل ده”