كتب – هاني صابر ومعتز عباس:
من نفس التصنيف: جنا عمرو دياب تتألق بأغنية “خطفوني” في حفل والدها بالساحل الشمالي مع صور وفيديو مميزين
رد المخرج يوسف شرف الدين على الاتهامات التي وجهتها له طليقته الفنانة إجلال زكي بشأن استيلائه على جميع أموالها، حيث نفى يوسف تلك التصريحات مؤكدًا أنها ادعاءات غير حقيقية ولا تمت للواقع بصلة، معقبًا: “فاجئني جدًا الكلام اللي بتقوله، ما صدمنيش طبعًا، إنما فاجئني الكذب اللي هي عايشة فيه ومصدقة نفسها”.
وكشف يوسف شرف الدين في مقطع فيديو حصل موقع “نبأ العرب” على نسخة منه، قائلًا: “هي بتقول إننا اتجوزنا 16 سنة، هذه أول كذبة، نحن اتجوزنا سنة 1991 بعد حادثة القضية اللي كانت فيها، وطلقنا سنة 2001، ومعايا ورقة الزواج والطلاق، الكذبة الثانية بتقول إني أنا أخدت فلوسها، هي كان معاها فلوس من فين، أصلاً مكنتش بتشتغل من فترة طويلة، هي اشتغلت يوم زواجنا، كنت بفرضها على المسلسلات لأنها مكنش حد عايز يشغلها، حتى المسلسل الوحيد اللي عملته وأنا معاها كان مع الأستاذ محمد نبيل المخرج، وعشان خاطري أخدها معاه في المسلسل”.
وأضاف: “هي بتقول إني أخدت فلوسها، فلوس إيه اللي خدتها منها، تجيب ورقة واحدة من البنك إنه كان معاها فلوس أيام ما كنت أنا معايا كل مصروف البيت ومصروفها ومصروف الأولاد كان من شغلي، أنا اللي كنت بشتغل والكل عارف ده كويس”.
وأكمل: “هي بتقول إنها هي اللي طلقتني، لا أنا اللي طلقتها، وأنا في لبنان رفعت سماعة التليفون وقلت لها بالحرف الواحد: إجلال إنتي طالق، صوتت وصرخت وقفلت السكة، مديت إيدي بره شباك السيارة ورميت الدبلة، طبعًا مش هقول كان سبب الطلاق إيه لأنه أنا تربيتي ما تسمحليش إني أقول، لأنها عندها بنت وعندها أحفاد على وش جواز، إنما أسباب الطلاق كتيرة جدًا تعرفها المخرجة نهلة فاروق والمخرج المساعد عبد السلام جنيدي، سبب الطلاق هحتفظ بيه لنفسي مش هنزل لمستواها عشان أقول”.
مقال له علاقة: ويزو تشارك لقطات مميزة من مسرحية الباشا مع كريم عبدالعزيز
وتابع: “بعد 24 سنة طلاق، اتجوزت مرة واثنين، اشمعنى دلوقتي بتقول الكلام ده، ليه ما طلبتيش بفلوسها، أنا تركت مصر في 2016، يعني كل الفترة اللي قبل 2016 أنا موجود في مصر، ليه ما طالبتش بفلوسها، عشان عارفة إنها المخطئة، هي عارفة بالضبط أنا طلقتها ليه، وبنتها عارفة سبب طلاقها، ربنا يستر على البنات وعلى أحبابها، مش هنزل للمستوى اللي هي اتكلمت بيه، احنا ماتربناش على ده، الناس كلها اللي اشتغلت معايا عارفة أنا مين وهي مين”.
وأختتم حديثه قائلاً: “مش هتكلم أكتر من كده، ولو حاولت إنها تزودها هيكون موقفي غير كده، وهضطر إني أقول كل حاجة”.
يذكر أن الفنانة إجلال زكي كشفت في تصريحات تلفزيونية سابقة ببرنامج “الستات” على قناة النهار عن تفاصيل حياتها الشخصية وزواجها الثالث من المخرج اللبناني يوسف شرف الدين، والذي استمر لمدة 15 عامًا، حيث ذكرت أنه استولى على جميع أموالها، وأن هذا الزواج كان الأصعب في حياتها.
اقرأ أيضًا..