وجه جمال العدل، عضو لجنة الاستثمار وتنمية الموارد بنادي الزمالك، رسالة قوية إلى الإعلامي أحمد شوبير، بعد الهجوم الذي تعرضت له جماهير الزمالك عقب المباراة الأخيرة أمام سيراميكا كليوباترا.
شوف كمان: إمام عاشور يشارك كواليس دعم لاعبي الأهلي في سعيه نحو لقب الهداف
قال جمال العدل في تصريحات له عبر قناة الزمالك: “كابتن شوبير طالع يهاجم جمهور الزمالك ويقولك لازم عقوبات ومش عقوبات”
وأضاف: “عايز أقوله يا كابتن شوبير كان فين صوتك وكنت إعلامي لما جمهور الأهلي كان بيشتم إمام عاشور ولعيبة ثانية، ومكنش حد بيتكلم وقتها، كنت فين السنين دي”
وأكمل: “أنا بقول لجمهور الزمالك كفاية الكلام عن اللاعب ده، هما شافوا إن اللاعب كذب على النادي وباعهم وردوا عليه، لكن خلاص المفروض صفحة اتقفلت، سيبوه في ناديه الجديد، ربنا يتولاه، هي صفحة أغلقت”
وأضاف: “لكن أنا عايز أعرف كنت فين لما جماهير الأهلي بتشتم لعيبة الزمالك من أيام حسن شحاتة، مش مجرد هتافات”
اقرأ كمان: شيكابالا يتألق في حفل زفاف شقيقته بـ 15 صورة رائعة وهو يرتدي قميص الزمالك
وتابع: “يا راجل ده شيكابالا قعد عشرين سنة بيتشتم، كنت فين يا كابتن شوبير، مبتتكلمشي ليه، مسمعناش صوتك، مكنتش وقتها إعلامي؟”
واختتم تصريحاته: “لازم الإعلامي يكون كلامه واحد، مش على حسب المزاج”