تحدث الإعلامي محمود سعد عن سبب مشاركته كضيف شرف في أحداث فيلم “درويش” الذي يعرض حاليًا في دور العرض السينمائي، حيث نشر مقطع فيديو عبر حسابه على “انستجرام” تناول فيه تفاصيل مشاركته في هذا العمل الفني.
من نفس التصنيف: ابنة أصالة تتحدث عن مصر قبل حفل والدتها في سوريا بعد غياب 14 عاماً
قال محمود سعد: “كان الأستاذ خالد الحلفاوي، ابن صديقي العزيز الغالي نبيل الحلفاوي، كلمني وقالي أنا عايزك في دور في مسلسل كامل العدد، وقلت له يا خالد أنا ماليش في الحاجات دي، وأنا مبعرفش أمثل، فقال لي أنا جايبلك 5 حلقات إقراهم، رحت بعت له رسالة وقلت له مش هقدر والدور بتاعي عمله أحمد كمال وهو ممثل ممتاز، وحصل اللي حصل لنبيل وغادر كده في ظرف غامض زي الريح”
مقال مقترح: إدوارد يكشف عن موعد أول حفل له في الساحل الشمالي بعد حديثه عن مرضه
وأضاف: “بعدها كلمني وليد عشان أشارك في فيلم، وقالي بابا كان هيكلمك وقالي أنا هجيبلك محمود يعمل الدور، لأن إنت اللي في السيناريو، محمود في البرنامج بتاع البيت بيتك سنة 2005، وبعدها في نص رمضان لقيتهم بيكلموني وقالولي احنا عايزين البدلة اللي طلعت بيها سنة 2005، وعايزين شعرك زي سنة 2005، وبعدها طلبوا يصبغوا شعري عشان يرجعوني 20 سنة لورا”
وعن يوم التصوير حكى “وبعدين قابلت يسرا، ومكنتش حتى أعرف اسم الفيلم إيه، وبعدها شفت عمرو يوسف وعرفت إنه بطل الفيلم وأنا مكنتش عارف حاجة، وكنت رايح ضيف شرف، والصراحة كان وليد مش معقول في الالتزام”.
وتابع: “أنا بعمل كده تسالي ومعنديش موهبة، وما بعرفش أقول كلام غيري، الكلام اللي كتبوه ليا، قلت لوليد الحلفاوي إني مش هعرف أقوله، قلت له فريد شوقي كان يقرا الكلام ويقول معناه، وأنا هعمل كده”
تدور أحداث فيلم “درويش” في فترة الأربعينيات حول رجل محتال ذو شخصية جذابة، يعيش حياة مليئة بالتحديات والمخاطر، ثم يتحول عن طريق الصدفة إلى بطل شعبي، وتنقلب بعدها حياته رأسًا على عقب، ويشارك ببطولة الفيلم كل من: دينا الشربيني، مصطفى غريب، خالد كمال، تأليف وسام صبري، وإخراج وليد الحلفاوي
اقرأ أيضا: