كتب – معتز عباس:
شوف كمان: آدم الشرقاوي يكشف عن أسباب غيابه.. جلطات وزيادة الوزن وتأثيرها على نفسيته
شاركت أسما شريف منير جوانب مختلفة من حياتها الشخصية التي ساهمت في تشكيل شخصيتها، حيث تحدثت عن عدم دعم الأهل في بداية مسيرتها، وكفاحها المهني الذي مكنها من بناء عالمها الخاص.
مقال له علاقة: علاء مبارك يحضر عزاء والد الفنان تامر عبدالمنعم.. صور مؤثرة من المناسبة
ونشرت أسما صورًا لها عبر حسابها الرسمي على “انستجرام”، وكتبت: “يمكن تكون دي رسالة ليك، تلهمك تاخد قرار مهم يغير حياتك، أنا عايزة الناس تجرب تاخد ريسك وتخرج من منطقة الراحة الخاصة بيهم”
وأضافت: “لما اشتغلت في مجالات متعددة، قالوا عليا ضايعة، واعتبروا إني مش عارفة أنا عايزة إيه، اتضحك عليا لما عملت فيديوهات من 2008، حتى أهلي ما كانوا بيدعموا رؤيتي، وفي علاقات سابقة كانوا بيشعروني بالإحباط ويقللوا مني”
وتابعت: “لكنني تعلمت من كل وظيفة اشتغلت فيها، سواء كانت في العقارات، أو كمساعدة مخرج، أو كفنانة مكياج، أو صحفية، أو مصممة ملابس، أو مقدمة برامج، أو ككاتبة، أو مؤثرة على وسائل التواصل الاجتماعي، أو عارضة إعلانات، أو مصممة أزياء، أنا فعلاً عملت كل حاجة”
وأكملت: “عشان كده لما بنيت عالمي الخاص، كان مختلف تمامًا، بنيت عالمًا ليس كأي مكان تاني، لأنه مش مجرد مكان، بل هو عالم للناس اللي عايزين يحسوا بالأمان والانتماء والحرية، عالم يضمن لك أنك مقبول كما أنت، عالم يحتضنك بالفن والحب داخل المجتمع”
.
وأوضحت: “أنا تربيت على أنواع مختلفة من الفن نتيجة عيشي مع فنانين في مجالات الموسيقى والرسم والمسرح والتمثيل والتصوير، وأيضًا فاهمة معنى المجتمع، وعارفة إزاي أخلي الناس تحس بالأمان وكأنها في بيتها، يمكن لأني أنا نفسي ما لقيتش ده زمان، حياتي كانت صعبة لكن عمري ما سمحت لذلك أن يؤثر على روحي، فاقد الشيء يعطيه ونص”
وواصلت: “بجد عايزة أقولكم، اعملوا اللي بتحبوه، الشغل مش المفروض يكون مصدر قلق أو قفص يحبس روحكم، هتنوروا لما تكونوا في المكان الصح، الحياة كلها لو حسبتها.. إيه كبرها 90 سنة ناقص أيام الطفولة والكبر هيتبقى لكم كام؟، يمكن 30 سنة تشتغلوا فيها بجد وتتركوا أثر”
وأتمت: “ماتسيبوش أحلامكم محبوسة بحجة الأمان، خدوا ريسك محسوب، وهتشوفوا حياتكم إزاي هتتغير”
يذكر أن أسما شريف منير أعلنت عن خبر زواجها عبر حسابها على إنستجرام في 7 يونيو الماضي، وعلقت: “أنا الحمد لله اتجوزت، وده قرار جه بعد فترة طويلة من رحلة عشتها مع نفسي، من تجارب كثيرة اتعلمت منها، اختيارات وصلت لها”
اقرأ أيضًا..