يستمر محمد عبد الوهاب، شقيق الفنانة شيرين عبد الوهاب، في الكشف عن تفاصيل أزمة شقيقته بعد الأنباء التي تتحدث عن عودتها لطليقها الفنان حسام حبيب، حيث كتب محمد عبر صفحته على “فيسبوك”: “وعايز أقول للأستاذ المحامي اللي بينادي الدولة والنقابة تدخل وتلحقها، خليني أقولكم الطريقة اللي الأستاذ المحترم خرج بها، جند بنت ممرضة من المستشفى عشان تهرب لها موبايل عشان تكلمه ويسجل المكالمة، قال يعني هي بتستنجد بيه عشان يخرجها، وكل ده حصل تحقيق في المستشفى، والبنت الممرضة اتفصلت، يعني انت السبب في اللي هي فيه دلوقتي”.
ممكن يعجبك: عمرو أديب يشيد بأنغام ويقول: “قومي يا صوت مصر.. العالم ينتظرك!”
كما كتب شقيق شيرين ومدير أعمالها السابق في نفس السياق: “عندي سؤال للمحامي، انت لسه في آخر جلسة من شهر كنت بتقول للقاضي أخوها دخلها المستشفى عشان يحجر عليها ويستولى على كل ممتلكاتها وصفحتها، والكلمتين دول اللي هما محفظينهم لك، مع إنك عارف الحقيقة كويس، دلوقتي طالع تقول الوضع كارثي وبطلب من وزير الثقافة يدخل، انت مصدق نفسك”.
وفي سياق متصل، حذرت الفنانة شيرين عبد الوهاب في تعليق صوتي محاميها السابق ياسر قنطوش من التحدث باسمها، بعد إعلانه استغاثتها من وجود شخص ما وعودته لها في بيان رسمي، حيث قالت شيرين في تسجيل صوتي: “من اللحظة دي يا أستاذ ياسر، في بيان هينزل ان حضرتك مش المحامي بتاعي، ولو اتكلمت عني أي كلمة حلوة أو وحشة أو هزار أو نكتة أو أي حاجة هتتحاسب عليها، وفيه بيان هينزل الناس كلها هتعرفه، ممنوع خلاص تعملي بكرة مؤتمر صحفي وتتكلم عن شيرين، أي حاجة هتتحاسب عليها”.
ممكن يعجبك: يسرا تشارك صورة نادرة أمام الأهرامات وتعلق على عظمة الحضارة المصرية القديمة
كما كتب الفنان شادي شامل عبر حسابه على “فيسبوك”: “مبروك عودة شيرين وحسام حبيب”.
اقرأ أيضا: