أسما شريف منير تحث متابعيها على عدم تفويت أذكار الصباح والمساء لتحقيق السكينة والراحة النفسية

كتب – معتز عباس:

مواضيع مشابهة: حسام داغر يعبّر عن سعادته بظهور عادل إمام مجددًا ويقول “أخيرًا ظهر”

أكدت أسما شريف منير أهمية المواظبة على قراءة أذكار الصباح والمساء يوميًا لتحقيق المزيد من السعادة والطمأنينة وراحة البال، حيث نشرت مقطع فيديو عبر حسابها الرسمي بموقع “انستجرام”، كتبت فيه: “الأذكار يا جماعة مش مجرد كلام بيتقال، دي سر راحة البال في يومنا، لما تبدأ يومك وتختمه بيها هتحس إن قلبك بيهدا وتوترِك بيقل، كأنك لقيت مكان أمان جواك”.

مقال له علاقة: محمد رمضان ينعى الراحل من حفل الساحل الشمالي ويصفه بالشهادة في سبيل لقمة العيش

وأضافت: “الأذكار كمان بتبقى زي حصن حواليك يبعد عنك الحسد والشر والوساوس، وتفكرك إن كل حاجة بايد ربنا، وساعتها الصبر والرضا بيزيدوا، ولو الأفكار السودة مسيطرة عليك، هتلاقي الذكر بيكسر الدائرة دي ويفتحلك باب أمل”.

وتابعت: “غير انه بيشحن طاقتك الصبح يديلك دافع تبدأ بيه يومك، وبالليل يقفل اليوم على هدوء وراحة، والأجمل إنك لما تردد “حسبي الله”، أو “أعوذ بكلمات الله التامات” بتحس إنك في حماية ربنا ومفيش حاجه تخوفك، ومع التكرار، قلبك هيبقى دايمًا متعلق بربنا، وساعتها هتعيش بسكينة وراحة نفسية مش هتلاقيها في أي مكان تاني”.

ووجهت أسما رسالة للجمهور والمتابعين، في الفيديو، قالت: “أنا عايزكم تعملوا حاجة سحرية هتفرق في حياتكم 100% اقرأوا أذكار الصباح والمساء واعملوا اللي انتم عايزين في النص، واتش ذا ماجيك انفولد، اتفرجوا على حياتكم بتتغير وقلبكم بيطمئن، وفي حاجات كدا بتكتشفوها ربنا بيلهمكم حاجات لما بتبقوا مركزين أوي”.

وأكملت: “اتفرجوا على شكل حياتكم هتفرق ازاي، اعملوا اللي انتم عايزين بس افتكروا الموضوع ده وجبروها بسيط أوي أوي”.

يذكر أن أسما شريف منير، كشفت عن خبر زواجها عبر حسابها على إنستجرام، في 7 يونيو الماضي، وعلقت: “أنا الحمد لله اتجوزت، وده قرار جه بعد فترة طويلة من رحلة عشتها مع نفسي، من حاجات كتير أوي اتعلمتها، تجارب دخلت فيها، اختيارات وصلت لها”.

اقرأ أيضا..