نعى الفنان حسام داغر زميله الفنان الشاب بهاء الخطيب، الذي رحل عن عالمنا صباح اليوم، وذلك من خلال منشور مؤثر عبر حسابه الرسمي بموقع “فيسبوك”.
شوف كمان: اكتشفوا قصة الفنانة شروق التي تركت بصمة بـ 168 عملاً فنياً بعد وفاتها (صور)
نشر داغر صورة تجمعه بالراحل، معلقًا: “ده لسه متكلمين إنك تيجي تقعد معايا كام يوم في إسكندرية وقلتلك هتحب قعدة بلكونتي على البحر على طول، ورجعت أقولك خلينا في الشتا هيبقى أحلى، الجو دلوقتي صيف وحر، خلاص لا بقى في شتا ولا صيف ولا حاجة، الناس بتمشي فجأة إزاي كده لا حول ولا قوة إلا بالله”
شوف كمان: اكتشف العرض الحصري لرسائل الشيخ دراز في مكتبة الآغا خان بلندن
تابع داغر قائلاً: “دموعي ما نشفتش من يوم تيمور وقلبي لسه موجوع، تقوم تمشي فجأة إنت، يعني إيه وقع وهو بيلعب كورة مات؟ أنا عقلي هيجراله حاجة، الثبات والعقل والصبر من عندك يا رب، بهاء الجميل المحترم الطيب، أعرفه من وهو في مسرح الجامعة وقبل المعهد، وبرضه كبر قدامي وكان ناجح في كل حاجة حتى مجاله وشغله الأساسي جنب التمثيل”
أضاف: “لو أعرف إنك هتمشي فجأة كنت قابلتك وما فضلناش نأجلها، ليه يا ربي الطيبين المحترمين بيمشوا فجأة؟ لا حول ولا قوة إلا بالله، الصبر من عندك يا رب، الله يرحمك يا بهاء مات ناقص حلم”
يُذكر أن بهاء الخطيب وُلد عام 1984، وتخرج في كلية الحقوق بجامعة القاهرة عام 2006، قبل أن يتجه إلى عالم الفن ويدرس في المعهد العالي للفنون المسرحية قسم التمثيل والإخراج، كما عمل في مجالات عدة منها تصميم المؤثرات البصرية وإدارة الموارد البشرية.