كشف سيد عبدالحفيظ، مدير الكرة الأسبق بالنادي الأهلي، عن موقفه من الترشح للانتخابات المقبلة للنادي الأحمر، حيث قال في تصريحات تلفزيونية عبر قناة “إم بي سي مصر”: “متعرفش الخير فين، وفي توقيت مهم أوي لازم نراعيه، لأنك بتتكلم على مباريات ودوري، والأهلي بيلعب، الحاجات دي مبتتقالش حتى في التليفزيون يعني”.
مقال مقترح: مصدر يكشف لنبأ العرب عن أول عرض رسمي من الأهلي لشراء وسام أبو علي بقيمة تصل إلى 7 مليون دولار
وأضاف قائلاً: “فيه كبير في الأهلي لازم تراجعه، لو أنا بفكر في الترشح، ومش شرط الخير يبقى ليا، الأهم أنه يبقى خير للنادي”.
اقرأ كمان: اكتشف كل التفاصيل حول مباراة مصر وأيسلندا في كأس العالم للناشئين لكرة اليد
وتابع: “في لجنة حكماء، وفي كبير في النادي دلوقتي كابتن الخطيب طبعًا، والأصول بتقول إني أرجعله الأول في الخطوة دي، فخلينا ننتظر، لأن ربنا سبحانه وتعالى هو اللي بيقدر الأمور”.
وأوضح: “في حاجات لازم نعترف بيها، إن الرياضة فيها أحداث سريعة أوي، فمينفعش إنك تحط خطة وبعدين بكرة تتغير”.
واختتم تصريحاته قائلاً: “في أصول في الأهلي، مش كل حاجة حلوة ليك ممكن تبقى حلوة للنادي، ممكن متبقاش كده، ولازم تراعي حاجات كتير أوي، لكن إيه اللي هيحصل بكرة؟ الله أعلم، ولو الخطوة دي مش في مصلحة النادي مش هترشح طبعًا”.