القاهرة- نبأ العرب:
اقرأ كمان: أشرف عبدالباقي يثير حماس جمهوره بعمل فني جديد مع طه دسوقي ومحمد ممدوح (صور)
كشف المطرب مسلم عن تفاصيل ما حدث بينه وبين “البلوجر” أروى قاسم خلال حفل زفافه، والذي أدى إلى نشوب خلاف بينها وبين زوجته يارا، حيث تبادلوا التعليقات والهجوم عبر مواقع التواصل الاجتماعي.
ونشر مسلم عبر حسابه الرسمي على انستجرام فيديو يظهر فيه مع زوجته في سيارتهما، حيث قال “يارا عارفة أنا طيب إزاي من جوايا، لما بيكون حواليا مجموعة كبيرة من الناس وفيه توتر مش بعرف أظبط كلامي ولا أتعامل، بكون عايز أهرب وأمشي”.
وبخصوص تصرف أروى قاسم، أشار إلى أنها قامت بنشر فيديو، وطالبها بحذفه حتى لا تغضب زوجته، لكنها تجاهلت طلبه ونشرت فيديو آخر، موضحا “أروى كنت بعتبرها أختي الصغيرة وأنا استقبلتها أحلى استقبال، ومن كتر اللمة اللي حواليا لما قبلت إيديها كان من باب الشياكة، أنا مش هاجي يوم فرحي أعاكس واحدة، أكيد ده مش شيء عقلاني ومش تصرفات شخص عاقل”.
وأضاف “بتعامل بنيتي الصافية، أكيد مش عامل الفرح ده كله عشان الإنسانة اللي بحبها، وحد يجي يبوظ كل ده، وكنت أنا ويارا في ذلك اليوم شدينا مشادة جامدة لكن بنعرف نلم مشاكلنا ونحافظ على بعض، ربنا مدينا حتة العقل واتفاجئنا باللي هي عملته”.
وتابع مسلم موجها كلامه لأروى “لو بتحترميني عمرك ما كنتي هتنزلي حاجة زي كده، أكيد كان حد هيقولك من اللي حواليكي بلاش ده هيعمل مشاكل، نزلت الفيديو وأنا أصلا بقولها امسحي الفيديو اللي قبل ده، تجاهلت كلامي ونزلت اللي بعده ومقدرتش إن أنا ومراتي ممكن يحصل بينا مشاكل”.
مقال مقترح: بدرية طلبة تشارك فيديو مميز مع دميتها “لابوبو” وتكشف عن رسالتها!
وأشار إلى أنه كان يرحب بها ويمازحها في حفل الزفاف، قائلا “كنت بهزر معاها بس الناس بتحول أي حاجة قدام منها، وفيه كمية صحافة معرفش دخلت إزاي ومكنتش عازم غير اللي أنا أعرفهم، يا أروى مينفعش تعملي أي حاجة ولازم تقدريني، أي واحدة مكان يارا هتضايق وهتحاول تبعد السمعة عن جوزها إن الناس بتقول إن مسلم معجب بـ أروى، معلش مش هاجي يوم فرحي وأعمل كده”.
وفي سياق متصل، هاجمت زوجة مسلم تصرفات أروى قاسم من خلال فيديو نشرته عبر مواقع التواصل الاجتماعي، بسبب الفيديوهات التي نشرتها من حفل الزفاف، كما نفت ما تردد من أنباء عن انفصالها عن مسلم، حيث نشرت فيديو وهي ترقص معه عبر حسابها على انستجرام، وعلقت: “ربنا ما يحرمني منك يا نور عيني، أنت كل حاجة ليا في الدنيا.. أبويا وضهري وسندي في الدنيا ومعنديش أغلى منك أبدا، ربنا يسعدنا ويبعد عننا العين والناس الحقودة”