كشف النجم تامر حسني عن حقيقة عودته لطليقته المطربة بسمة بوسيل، بعد أن ظهر أول حرف من اسمها على أحد يديه، حيث قال خلال استضافته في برنامج “et بالعربي” أثناء حضوره العرض الخاص لفيلمه الجديد “ريستارت”: “مرجعناش، بس الحروف اللي على إيدي هي حروف عيلتي كلها ومش هلاقي أهم منهم أحط حروفهم على إيدي”.
مواضيع مشابهة: ملك قورة تأسر القلوب بإطلالتها الصيفية والجمهور يتغزل بها
وأضاف تامر: “كان فيه اقتراح من مخرج الفيلم بأنه نكتب إيه على إيدي عشان أبقى شبه الشخصيات اللي بتغني روك في الفيلم، فقولتلهم هكتب حروف عيلتي طبعا”.
مواضيع مشابهة: رانيا يوسف وابنتها تتألقان برقصهما في افتتاح مشروع جديد بالإمارات مع صور مبهرة
وأوضح تامر متحدثا عن بسمة بوسيل: “بسمة دي بنتي الكبيرة مهما حصل ومهما الناس لعبوا في دماغها، هتفضل بنتي الكبيرة، ولا يمكن مهما عملت إني أقسى عليها، وهي في دمي مهما عملت، وأنا أموت نفسي ولا أزعلها”.
وأضاف: “وده حقيقي وبتكلم من قلبي ودي أم أولادي وربنا يخليهالهم وعاملة مجهود كبير جدا مع الولاد، وربنا يصلح حالها في كل خطواتها اللي بتعملها”.
يذكر أن تامر حسني وبسمة بوسيل انفصلا في أبريل 2023، بعد زواج دام لسنوات أنجبت منه 3 أطفال.