أعربت الإعلامية رضوى الشربيني عن دعمها الكبير للفنانة شيرين عبد الوهاب، وذلك بعد تعرضها لانتقادات من الجمهور عقب حفلها الأخير في مهرجان “موازين”.
من نفس التصنيف: كارول سماحة تتذكر زوجها الراحل في عيده الأخير.. مشاعر مؤثرة وتجارب لا تُنسى
وخلال تقديمها حلقة جديدة من برنامجها “هي وبس” على شاشة DMC، قالت رضوى: “الناس زعلانة منك وزعلانة عليكي، كل الأغاني القوية اللي قوت ستات كتير، وأنا منهم، أنا من جمهورك، خلتني أحس قد إيه إنك إنسانة قوية”
وتابعت: “فإنتي أقوى من الموقف ده، حتى لو الموقف ده صعب، وزعلانين منك، لأن البنات والستات بتستمد قوتها منك، وزعلانين عليكي، لإن للأسف الشديد: اختيار غلط، شغل غلط، وناس غلط حواليكي… ده كفيل يهدّ كل اللي بنعمله في سنين، وأرجوكي متسمعيش للناس اللي بتنتقدك عشان عايزين يوقعوكي”
مواضيع مشابهة: ابنة ماجد المصري تتألق في رقصاتها على أنغام عمرو دياب وإليسا قبل زفافها (شاهد الصور والفيديو)
واختتمت: “إنتي شيرين عبد الوهاب، إنتي كنتي بتطلعي الموضة على المسرح، وكنتِ بتخطفي قلوب الناس بحضورك وصوتك، وربنا مديكي حب الناس لله في لله، طلعتي تصريح حلو أو تصريح وحش، بيحبوكي، كفاية كده، وعارفة إنك بتسمعينا، واللي زعلان منك وزعلان عليكي بيحبوكي وعايزين مصلحتك على فكرة”
وقد شهد حفل الفنانة شيرين عبد الوهاب انتقادات بسبب استخدامها تقنية “البلاي باك”، حيث أوضح المقربون منها أنها تمر بوعكة صحية، وأنها خالفت أوامر الطبيب المعالج حرصًا منها على مقابلة جمهورها ومحبيها، وسط رسائل دعم من العديد من أبرز نجوم الوسط الفني والغنائي.