تصدرت الفنانة نبيلة عبيد مؤشرات البحث على جوجل في الساعات الأخيرة، وذلك بسبب استغاثتها بشأن قانون الإيجار القديم الذي يؤثر على شقتها الواقعة بجامعة الدول العربية.
اقرأ كمان: إيرادات السبت تكشف تفوق “ريستارت” على “المشروع X” واحتلال “سيكو سيكو” المركز الثالث
وفي استغاثتها، عبرت نبيلة عبيد عن مشاعرها بقولها: “الشقة كانت مملوكة لوالدتي، وفيها كل ما أملك من أغراض وصور وذكريات، تاريخي السينمائي كله موجود فيها، بداية من رابعة العدوية والراقصة والسياسي وكل أعمالي الناجحة”
وأضافت: “أجيب منين مكان أحط فيه كل تعبي ده؟ وفني اللي خايفة أرميه بعد كده يبقى على سور الأزبكية، أنا خايفة على تاريخي، مينفعش يتترمي”
وأوضحت: “أنا بستغيث، مينفعش، ده تاريخي السينمائي كله في الشقة دي، لما بفتحها بشم ريحة نجاحي وريحة أمي، فيها كل صوري اللي كنت باخدها موجودة، لما بخشها برتاح، مقدرش من يوم وليلة يحصل كده، أنا مجرباها، ودي كانت قدم الخير عليا، وبتمنى أرجعلها”
شوف كمان: المؤلفون والملحنون ينتقدون الجزيرة 360 بسبب الحلم العربي
وأضافت: “أنا وحيدة، لا اتجوزت ولا خلفت، وبشم ريحة أمي ونجاحي فيها، وعايشة حاليا في شقة غيرها، لكن دي الشقة الأقرب لقلبي، سيبوهالي”