رد أيمن الشريعي، رئيس نادي إنبي، بشكل قوي على تصريحات عبدالناصر محمد، مدير الكرة الجديد بنادي الزمالك، حيث أكد أن علاقته بالنادي البترولي انتهت وأن تركيزه الحالي مع الأبيض فقط.
مواضيع مشابهة: عبدالواحد يعتذر عن مواصلة مشواره مع الزمالك ويتجه نحو فرصة جديدة
قال “الشريعي”، في تصريحات تلفزيونية عبر قناة “أون تايم سبورتس”: “عبد الناصر محمد واحد من مؤسسي نادي إنبي، وكل الناس في مصر يعرفون أن اسمه دائمًا مرتبط بإنبي، وبيشتغل في النادي منذ 36 سنة”
أكمل: “في صحفي سألني هل استقال أم تمت إقالته؟، رديت عليه وقلت له لا، ولا هذا حصل ولا ذاك، لحد دلوقتي هو المدير الرياضي رسميًا وفقًا للإدارة بتاعتي”
وتابع: “سألني هل ينفع يجمع بين المنصبين؟، قلت له هو فعلاً كان رغبته يكمل كمدير رياضي، وده ملوش مشكلة لأن المدير الرياضي ملوش علاقة بالفريق الأول أصلًا”
وأردف: “قرأت بيان الكابتن عبد الناصر، ولفت نظري أنه يقول إنه مستغرب من تصريحات رئيس النادي، لا، كلامي مش مستغرب، كلامي يترد عليه بـ”حصل أو محصلش”
وأوضح: “العلاقة التعاقدية في أي مكان بتنتهي بـ 3 طرق، إما استقالة، أو إقالة، أو تفاوض ودي، وده كله ما حصلش، لا استقال ولا حصل تفاوض، وبالتأكيد مش هنقيله لأنه له قيمة كبيرة جدًا عندنا في إنبي”
وتابع: “هو قالي إنه عنده عرض من الزمالك، قلت له بالعكس، دي حاجة تشرّف، لكن لقيته برضو عنده رغبة إنه يكمل معنا حسب العقد الساري، وأنا عمري ما قلت كلام مش مضبوط، لكن إداريًا الكابتن عبد الناصر مش هيكمل في منصبه، لكن لو قعد معايا وقال لي عايز أكمل، هنقبل ده احترامًا ليه ومكانته”
وأضاف: “هو في بيانه يقول علاقتي بإنبي انتهت، إزاي؟ ولسه في متعلقات مالية معلقة، فبالتالي العلاقة التعاقدية ما انتهتش لحد دلوقتي، لأنه بيعتبر إنبي بيته، وأنا شايف إنه اقترح حل وسط لأنه عارف إن الكرة فيها متغيرات كتير، وأنا معنديش أي مشكلة في كده”
مواضيع مشابهة: لاعب تشيلسي يشارك في حفل مميز بعد انطلاق كأس العالم للأندية مباشرة
وشدد: “اللي وقفني فعلًا إنه قال أنا مستغرب من كلام رئيس النادي، وده مش منطقي، لأن مافيش حاجة في كلامي تستدعي استغراب”
واختتم تصريحاته: “وبالمناسبة، محدش من الزمالك كلّمني رسميًا بخصوصه، مع إن اسمه مرتبط بإنبي، وأنا لما بطلب حد من نادي لازم أرجع لإدارته، لكن علاقتنا بنادي الزمالك قوية جدًا”