نفت الفنانة المعتزلة حلا شيحة، ما أُشيع حول تصريحاتها عن زواجها من الداعية معز مسعود، حيث وصفت تلك الفترة بأنها كانت من أصعب مراحل حياتها.
ممكن يعجبك: ديانا حداد تتألق في مهرجان موازين بأغانيها وسط حضور رائع مع صور مميزة
ونشرت حلا عبر خاصية القصص في صفحتها على موقع “إنستجرام” منشورًا قالت فيه: “حلا شيحة: فترة زواجي من معز مسعود، كانت أصعب فترات حياتي وعملت لي زلزال نفسي، وسابت جوايا جروح ما تتعالجش أبدا”
وعلقت حلا على تلك الشائعات قائلة: “أنا الحقيقة مش عارفة إيه الكلام ده، ومين اللي نشره عن لساني، ياريت اللي بيكتب خبر يتحرى كويس قبل ما يكتب أي أخبار عن لساني لم أقولها وشكرا”
وكانت حلا قد تحدثت في فيديو جديد للجمهور، نشرته عبر موقع يوتيوب، حيث قالت: “لما لبست الحجاب، ماكنتش عارفة أكمل، لأن برضه حصلت لخبطة الجواز والطلاق، اللي كنت فاكرة هتكون عون لي على حياة أفضل، وده طبيعي”
وتابعت: “أي ست من حقها تتجوز، وتطلب تشوف المناسب لها ولحياتها لو ده هيساعدها تقرب من ربنا سبحانه وتعالى، وده أجمل حاجة أصلا، واللي ربنا أمرنا به”
وأضافت: “إنما لما لقيت الموضوع مش صح ومش متظبط، وفي حاجة غلط، كانت بالنسبة لي الصدمة صدمتين، علشان أنا شخص حساس، وكانت صدمة الطلاق الأولاني صعبة جدا”
وأوضحت: “كنت أسمع كلام كتير، أن الواحد لما بيطلق، وعنده ولاد ما بيبقاش عايز الطلاق، ويسيب الحياة دي، ويبقى ماشي مضطر، ويكون عنده رد فعل، وتركيبة دماغه تتغير، وأنا حاسة إن ده اللي حصل لي، فيه حاجة اتغيرت جوايا من كتر الألم النفسي، اللي كنت فيه”
وأكملت حلا: “حصل لي حالة غضب، حتى إني كنت أقول يا رب أنا زعلانة منك، أنا سيبت كل حاجة، وجيت لك يا رب، ليه مش واقف جنبي، وده كان شعوري، وده كان غلط مني، وكنت حاسة بالغضب، وزي ما أكون من جوايا أنتقم من حلا”
وأعلنت الفنانة حلا شيحة، عودتها إلى ارتداء الحجاب، عقب مشاركتها في بطولة مسلسل “إمبراطورية ميم”، الذي عرض في موسم رمضان 2024، وقامت ببطولته بمشاركة خالد النبوي، ونشوى مصطفى، ونور النبوي، ومايان السيد، ومحمد محمود عبدالعزيز.
مواضيع مشابهة: خالد يوسف يكشف عن تهديدات بالقتل ويشير إلى أن هذا قد يكون الفيديو الأخير له