عبّرت الفنانة شهيرة عن استيائها الكبير بعد انتشار شائعات تتحدث عن أن ابنتها الفنانة رانيا محمود ياسين انفعلت عليها خلال افتتاح المهرجان القومي للمسرح، حيث كتبت شهيرة عبر حسابها الشخصي على موقع “فيسبوك”: “هو إيه اللي حصل، هو ليه الناس بقت وحشة أوي كده، محدش بيسيب حد في حاله، خاصة الفنانين”.
شوف كمان: داليا البحيري تتألق في ملابس البحر خلال إجازتها الصيفية بالساحل الشمالي
وتابعت شهيرة قائلة: “انفعال رانيا على شهيرة إزاي؟ هو أي هبد وخلاص علينا، أنا ولادي متربيين وجذورنا ولاد ناس قبل الفن، وإحنا ناس محترمة وشبعانة، ممكن أي حد ينفعل لو شعر بالإهانة من شخص، ده عادي، لكن ينفعل على أمه أو أبوه”.
من نفس التصنيف: صفاء جلال تطلب الدعاء بعد نقلها إلى المستشفى
وأضافت: “كلام مالوش لازمة اتقال، هو كله زي بعضه، الناس اللي في حالها زي الناس اللي بتفتعل المشاكل علشان المتابعين والترند وتحاول تشوه سمعة المحترمين عشان ياخوا من وراهم قرشين حرام”.
واختتمت شهيرة بقولها: “حسبنا الله فيكم، عايزين قانون يحمينا من الآفات دي، وهل يُكب الناس على وجوههم يوم القيامة إلا حصائد ألسنتهم”.