كتب – معتز عباس:
مواضيع مشابهة: حكم قضائي يثير الجدل بين إليسا و”وتري” وزياد برجي يعلق بسخرية
تواصل الفنانة الشابة رحمة حسن التعبير عن استيائها من إحدى عيادات التجميل، بعد أن تسببت لها في تساقط شعرها وإصابتها بالصلع، حيث كتبت عبر حسابها الرسمي على “انستجرام”: “احنا مش فئران تجارب بالنسبة للدكاترة اللي معندهمش خبرة كبيرة، ممكن كان مش بس نوع الدواء مش كويس لحالتي، لا كمان بعد اللى حصل مضمنش ممكن يكون كان دواء منتهي الصلاحية، أو معلهوش تجارب سنين، ده غير اني أصلاً مطلبهوش أو متبلغتش بي قبل الحقن”.
من نفس التصنيف: تامر حسني يطلق مسابقة مميزة بمناسبة إصدار ألبومه الجديد “لينا معاد”
وأضافت: “أنا فضلت أعاني من حساسية وحماَر في فروة شعري بعدها بفترة كبيرة مع تساقط رهيب، أنا مش هفضل اتكلم في الموضوع كل شويه علشان أشخاص متنمرین أو بيروجو لإشاعات وكلام مغلوط، علشان بس الحقيقة متظهرش والناس متعرفش الحق من الباطل”.
وأتمت: “أتمنى محدش يحصل معاه زي ما حصل معايا أو يحس نفس الإحساس”.
وكانت رحمة حسن قد كشفت في تدوينة سابقة على “انستجرام” تفاصيل سقوط شعرها، حيث كتبت: “شعري ابتدى يقع من الجذور ويقع أكتر بعد ما روحت عيادة في الزمالك والمفروض إنه أفضل حاجة موجودة، كشفت وعملت التحاليل المطلوبة كلها، كان شعري عادي خفيف تعبان لكن مش بيقع كام شعرة عادي”.
وتابعت: “بعد ما روحت وعملت التحليل، الدكتورة قالتلي كلها تمام، ممكن بس الحديد نازل شوية، ممكن ناخد حديد، وهنعمل بلازمة من دمك يعني حاجة كويسة وآمان مية في المية! أوكي، طبعاً المهم روحت وسألتني الدكتورة قبل البلازمة بعد سحب الدم! أخبار الضغط بتاعك إيه، قولت مش عارفة، قالتلي طيب المهم عملت البلازما وميزوثاربي!، مش بلازما بس! الكارثة إنه حططلي حقنة مينوكسيديل مع الحقنة وعملتها بالميزوثاربي!”.
واستكملت: “طبعاً أنا معرفتش غير لما روحت البيت لأن كان ضربات قلبي غريبة وحاسة إني تعبانه ودماغي تقيلة، بشوف الفاتورة لقيته إنها حططلي مينوكسيديل بدون ما ترجعلي الأول وأنا كنت بس مفروض أعمل بلازمة فقط من دمي، بس من ساعتها شعري بيقع كل يوم ومفيش بيبي هير بيطلع أصلاً ولو طلع بيقع تاني على طول”.
اقرأ أيضا..