وجه جمال العدل، عضو لجنة الاستثمار وتنمية الموارد بنادي الزمالك، رسالة قوية إلى الإعلامي أحمد شوبير، عقب الهجوم الذي تعرض له جمهور الزمالك بعد المباراة الأخيرة أمام سيراميكا كليوباترا.
ممكن يعجبك: أول حدث تاريخي في مباراة الأهلي مع منتخب مصر للشباب يجذب الأنظار
قال جمال العدل في تصريحات له عبر قناة الزمالك: “كابتن شوبير طالع يهاجم جمهور الزمالك ويقولك لازم عقوبات ومش عقوبات”
وأضاف: “عايز أقوله يا كابتن شوبير كان فين صوتك وكنت إعلامي لما جمهور الأهلي كان بيشتم إمام عاشور ولعيبه ثانية يا ومكنش حد بيتكلم وقتها.. كنت فين السنين دي”
وأكمل: “أنا بقول لجمهور الزمالك كفايه الكلام عن اللاعب ده هما شافوا إن اللاعب كذب ولاوع النادي وباعهم وردوا عليه.. لكن خلاص مفروض صفحة واتقفلت، سيبوه في ناديه الجديد، ربنا يتولاه، هي صفحة أغلقت”
مقال له علاقة: الزمالك يعلن عن صفقة أجنبية جديدة تعزز فريق السيدات بشكل رسمي
وأكمل: “لكن أنا عايز أعرف كنت فين لما جماهير الأهلي بتتشم لعيبه الزمالك من أيام حسن شحاته .. مش مجرد هتافات”
وأكمل: “يا راجل ده شيكابالا قعد عشرين سنة بيتشتم، كنت فين يا كابتن شوبير مبتتكلمشي ليه، مسمعناش صوتك.. مكنتش وقتها إعلامي؟”
واختتم تصريحاته: “لازم الإعلامي يكون كلامه واحد مش على حسب المزاج”