وجه الإعلامي أحمد شوبير رسالة قوية حول الانتقادات التي تعرض لها نجله مصطفى شوبير بعد مشاركته مع الأهلي بشكل أساسي في مواجهة مودرن سبورت الأخيرة ضمن بطولة الدوري المصري.
مواضيع مشابهة: مباراة مثيرة بين منتخب سويسرا للسيدات وفريق ولاد تثير ضجة على السوشيال ميديا
قال أحمد شوبير في تصريحات ببرنامجه الإذاعي “مع شوبير”: “جميل إن أنا أمسك قضية وأجيب محللين، وده كلام مهم يعني وكلام محترم نقول ونحلل الأخطاء، بس الغريب إنه ممسكش موضوع مالوش لازمة أربع أيام، غريب شوية يعني بالنسبة ليا أنا مستغربه، هو في إيه؟”
وأضاف: “يعني لاعب لعب ولاعب قاعد احتياطي وعادي يعني، ما ده حق المدرب يعني، ولا أنا مش واخد بالي ولا أنا بتكلم غلط ولا إيه يعني؟ يلعب شوبير يلعب الشناوي ده قرار المدرب”
مقال له علاقة: تفاعل رواد مواقع التواصل الاجتماعي مع فوز العين على الوداد في كأس العالم للأندية بطريقة مثيرة ومفاجئة
وأكمل: “وبعدين يا جماعة أنا هتكلم كحارس مرمى هنا لأنه مهم جداً، وحارس المرمى مش روبوت، يعني مش أنت ماسك ريموت كنترول، أنت حضرتك بتلاعبه بطريقتك وتقول له ارفع رجلك الشمال 20 سم وحرك رجلك اليمين مش عارف إيه وارفع صباعك اليمين وآخر رجلك الشمال”
واختتم تصريحاته: “في كتير جداً من السادة المحللين يعني والمدربين السابقين، يطلع يقول لك حاجات غريبة جداً، يقول لك أصله كان لازم يضرب باليمين عشان يدفع بالعكسية في الشمال، فلما تدفع بالعكسية فتقوم الأمامية تزق التحتانية، فالتحتانية تسند الجوانية، فالجوانية تساعد الخارجية، متفهمش منه حاجة ولا تعرف هو عايز يقول إيه”