قال سيف زاهر في برنامجه عبر قناة “أون تايم سبورتس”: “اتكلمت مع محمد هاني عن أزمة طرده من الحكم محمد معروف، وقالي القصة من بداياتها خالص”
من نفس التصنيف: مباراة مصر وإسبانيا تسجل رقماً قياسياً في الحضور الجماهيري بمونديال الشباب لكرة اليد
وأضاف: “حصل فاول في البداية لمحمد هاني، فقال: يعني حضرتك شايف إن دي فاول؟، هذا الكلام كان طبيعي جدًا، فكابتن معروف أصدر إنذارًا وقاله: “وانا هطردك”، محمد هاني اعترض قائلاً: يا كابتن بعد إذن حضرتك، أنت بتكلمني ليه كده؟، فرد الحكم: خلي بالك أنا عرباوي، فرد هاني: إحنا في الملعب، إيه علاقتي بالموضوع ده؟ كلمني بطريقة كويسة، الحكم قال: خلي بالك الإنذار اللي جاي هيكون طرد”
وأكمل: “بعد كده مفيش أي كلام ولا حاجة لحد ما جه وقت التغيير، محمد هاني بيحكي: أنا طالع أجري عشان أسلم على اللي نازل، مش بضيع وقت وكل اللاعيبة طلعوا من نفس المكان، الحكم فجأة قاله: “الطلوع من هنا” (الناحية التانية)، هاني رد: يا كابتن أنا هطلع من هنا أسلم على اللي هيتغير، الحكم راح لافف ومديله كارت أحمر”
وتابع “زاهر”: “هاني قالي أنا حسيت إن أنا بحلم، مصدقتش! أنا عملت إيه؟ طالع أجري أسلم على الراجل، بعد الكارت الأحمر، وقف مصدوم دقيقة وساب الملعب من غير ما يقول كلمة”
وتابع: “هاني وقف برة الملعب بيتفرج لحد نهاية المباراة، وبعد الماتش دخل أوضة اللبس، لا استناه ولا اتكلم مع الحكم، ومفيش أي حديث بينهم”
مقال مقترح: وسام أبو علي يعلق على تعادل الأهلي مع إنتر ميامي ويكشف عن مشاعره بعد المباراة
واختتم تصريحاته: “الوحيد اللي اتكلم معاه بعد المباراة هو الكابتن محمد يوسف المدير الرياضي للنادي الأهلي، اللي اتقال هو رواية محمد هاني بالنص، خطوة بخطوة، سطر بسطر”