كتب – معتز عباس:
مقال له علاقة: غادة عبدالرازق تظهر على كرسي متحرك بعد إصابة في قدمها.. إليكم الصور والفيديو!
كشفت أسما شريف منير عن جوانب متعددة من حياتها الشخصية التي ساهمت في تشكيل شخصيتها، بما في ذلك عدم دعم الأهل في بداياتها، وكفاحها المهني الذي أدى بها إلى بناء عالمها الخاص.
ونشرت أسما صورًا لها عبر حسابها الرسمي بموقع “انستجرام”، وكتبت: “يمكن تكون دي رسالة ليك، تلهمك تاخد قرار مهم يغير حياتك، أنا عايزة الناس تجرب تاخد ريسك وتحدف نفسها برا الـ comfort zone”
وأضافت: “أنا لما اشتغلت في مجالات كتير، والناس قالت عليا ضايعة، قالولي إني مش عارفة أنا عايزة إيه، قالولي jack of all trades is master of none، اتضحك عليا لما عملت videos من 2008، حتى أهلي ماكانوش بيدعموا رؤيتي، وفي علاقات قبل كده كانوا بيشدوني لتحت، بينتقدوني ويقللوا مني”
وتابعت: “بس أنا اتعلمت من كل شغلانة اشتغلت فيها، Real Estate، Assistant Director، Assistant Casting، Makeup Artist، Journalist، Candle Maker، Clothing Brands، TV Presenter، Editor، Writer، Social Media Influencer، Ad Model، StylistIC، أنا فعلاً عملت كل حاجة”
وأكملت: “عشان كده لما بنيت العالم بتاعي المختلف أوي، بنيت عالم تاني، مش زي أي مكان هتروحه، دي معلومة أكيدة، لأنه مش مجرد مكان، لأ.. ده عالم للّي عايز يحس بالأمان، بالانتماء، بالحرية، عالم يطمنك إنك مقبول زي ما إنت، عالم يحضنك بالفن والحب بالمجتمع اللي جواه”
.
وأوضحت: “أنا اتربيت على أنواع كتير من الفن من عيشتي مع فنان، للموسيقى والرسم، المسرح والتمثيل والتصوير، كل أنواعه بجد، وكمان فاهمة يعني إيه community، وعارفة إزاي أخلي الناس تحس إنها مطمنة وآمنة وفي بيتها، يمكن لأني أنا نفسي ما لقيتش ده زمان، حياتي كانت صعبة، بس عمري ما سيبت ده يلمس روحي، فاقد الشيء يعطيه ونص”
وواصلت: “أنا بجد عايزة أقولكم، اعمل اللي بتحبه، الشغل مش المفروض يكون قلق ولا قفص يحبس روحك، هتنور لما تكون في مكانها الصح، الحياة كلها لو حسبتها.. إيه كبرها 90 سنة ناقص أيام الطفولة، والكبر هيتفضللك كام؟، يمكن 30 سنة تشتغل فيهم بجد وتسيب أثر”
وأتمت: “ماتسيبش دماغك تحبس أحلامك بحجة الأمان، خد ريسك محسوب، وهتشوف حياتك إزاي هتتغير”
وانهالت عليها التعليقات من جمهورها، وحملت الكثير من الإشادات والدعم، وجاءت كالتالي: “انتي جميلة، أجمل أسما، دايما فخورة بيكي، خسيتي برافو عليكي، خست جدا عاش الإرادة، شكرا على البوست دا، شكرا على الرسالة المهمة دي”
يذكر أن أسما شريف منير كشفت عن خبر زواجها عبر حسابها على إنستجرام في 7 يونيو الماضي، وعلقت: “أنا الحمد لله اتجوزت، وده قرار جه بعد فترة طويلة من رحلة عشتها مع نفسي، من حاجات كتير أوي اتعلمتها، تجارب دخلت فيها، اختيارات وصلت لها”
مقال له علاقة: استمتعي بأناقة نسرين طافش في فستان أحمر.. 10 لقطات من أحدث جلسة تصوير لها
اقرأ أيضا..