رد الفنان حسام حبيب على الجدل الذي أثير عبر مواقع التواصل الاجتماعي بشأن القبض عليه بسبب تورطه في قضية مخدرات، حيث علق حسام خلال مداخلة هاتفية مع الإعلامية بسمة وهبة، التي قامت بنشرها عبر بث مباشر على صفحتها في موقع “إنستجرام”.
ممكن يعجبك: أميرة دياب تكمل تصوير فيلمها الأول “بروفة فرح” وتشارك صورًا مميزة من كواليس العمل
قال حسام حبيب: “إشاعة القبض عليا مش مظبوطة، ومعروف مين بيطلعها، دي حملة ممنهجة ضدي، والمرة دي فيها غلط كبير لأن في تسريب لتحقيقات النيابة، وكل مرة أنا مش برضى أتخذ أي إجراء إكرامًا لشيرين، ومش فاهم ليه الشخص ده عامل كده، جايب اللي جواه ده منين، أنا مستني ربنا هيجيب لي حقي”
وتابع: “أنا بقالي أسبوع بكلم كل أصحابها المحترمين بقولهم يساعدوني عشان أنا خايف من ضغط الناس، ومش عشاني عشان عندي أم وأخت، كل اللي بيحصل وبيتقال إني اتقبض عليا ده عشان يخوفوني ويخلوني أبعد عنها، وده ممكن يحصل، أنا مش بخاف على نفسي، أنا بخاف على أهلي، أنا مش هسيب شيرين تتأذي عشان خايف من الناس، أنا عايز الناس تقف معايا لحد ما ربنا يظهر الحقيقة، لو موقفتش جنبها مين هيقف جنبها، إذا كان أقرب الناس اللي من دمها مش بيطلوا عليها، أنا بطلب من الناس تمشي ورا الكداب لحد باب الدار”
وفي رسالة إلى شقيق المطربة شيرين عبد الوهاب، قال: “يعني الأخ دا ما يشوه أخته ويشوهني، يروح يبص على أخته مرة واحدة بدل ما هو مضيع وقته في الكلام ده، وقت خناقاتنا كان بيتقالها كلام مش حقيقي زي دلوقتي، هو عنده القدرة يضحك على شعوب ولازم الناس تقف له، بس هو عامل حساب إن اللي قدامه مش بيقفله حفاظًا على العشرة وأخته، لكن أقسم بالله مش هسيب حقي”
وشهدت مواقع التواصل الاجتماعي انتشار أنباء عن تورط الفنان حسام حبيب في قضية مخدرات، وذلك عقب عودة التواصل بينه وبين زوجته السابقة المطربة شيرين عبد الوهاب.
مقال مقترح: فريدة سيف النصر ترد بكلمات قوية على مها الصغير وتدافع عن أحمد السقا بكل شجاعة